A vision of how church could be

Afrikaans Poetry: Wat sal mens nou daarvan sê?

Wat sal mens nou daarvan sê?

Wat sal mens nou daarvan sê

oor die vrou wat by haar lewensmaat wil lê?

Dit is deesdae polities korrek

om jou nek styf te verrek

oor hierdie onreg aan ‘n mens

wat wil leef met ‘n normale liefdeswens.

Ongelukkig nou vir hierdie vrou

wat met haar maat ‘n toekoms wil bou,

is haar lewenstaak by die kerk

en daar lei Die Boek baie sterk:

Vas staan die fundamentele beginsel

wat alle teenspraak en afwykings tot die dood verstil.

Al skryf die grondwet oor seks ook wat -

hierdie vrou en haar maat sal die pad  moet vat,

want die Bybel leer oor man en vrou wat die huwelik eer

en gay seks oor die veroordelaarskam skeer.

Of so lyk dit.

Wat in die hart van God se droom sit

is mense in diep lewensverhouding:

die spieël van gelowige aanbidding

en die toonbeeld van ‘n gesonde samelewing;

gesinne gebind deur verbondsdoop en trouring.

Wat sal mens nou daarvan sê

oor die vrou wat by haar lewensmaat wil lê?

Dit is waar dat hulle nie ’n Bybelse gesin kan wees;

sal ons nie maar die Skrif anders begin lees?

Afrikaans Poetry: Vergifnis

Vergifnis
16-4-2004

Vergifnis is jou nie beskore nie.
Jy leef in ‘n wêreld van voorwaardes
en teenprestasies vol fyn skrif
waaraan geen siel kan voldoen nie.

Een enkele fout -
of dalk twee –
want dit maak nie saak hoeveel keer
mens terugkruip
soos ‘n hond op soek
na goedkeuring -

en vir die res van jou lewe
hou jy boek van die kwaad.
Selfs nie eens, ek is jammer
en alles opreg wat dáármee saamhang,
gaan my bladsy vir jou omblaai nie.

Die hel waarin ek leef
is jou Eden ... Gaan, dan.